Mediat greke shkruajnë se breshëria e sulmeve vrastare që ka ndodhur kohët e fundit po shkakton shqetësim të madh në autoritetet greke dhe në shoqërin Helene. Lufta e bandave po zhvillohet në mënyrë të pakontrolluar, me pastrimin e llogarive midis ndrikullave të natës dhe kontratat e vdekjes kundër palëve të treta, të cilat tani janë duke u ekzekutuar me frekuencë tronditëse, një goditje për çdo 10 ditë.
Oficerët e Policisë Greke i drejtojnë hetimet e tyre në “trekëndëshin” e burgjeve Athinë – Patras ku vepron krimi i organizuar në familje, por edhe mafia shqiptare. Sipas një raporti të Vassilis Lambropulos, në kontekstin e hetimeve për vrasjen e 32-vjeçarit shqiptar në Sepolia të Dielën pasdite, policia e Sigurisë po shqyrton të dhënat nga hetimi Antiterror në periudhën 2018 -2019, pas vrasjes, në vitin 2017, të kriminologut Michalis Zafeiropoulos i cili kishte regjistruar veprimtarinë e pesë kriminelëve shqiptarë të cilët po drejtonin sulmet kriminale nëpër burgje, shkruajnë mediat greke.
Ndër shënjestrat e tyre thuhet të jetë sipas informacionit-32-vjeçari me pseudonimet Papa, ose Papas ose Aristidis ose Ari i cili të Dielën pasdite u vra në një kafene në Sepolia nga një autor i panjohur i cili mbërriti në vendin e ngjarjes me taksi Në fakt, sipas dëshmisë së një zyrtari burgu, në maj të vitit 2019, një udhëheqës i mafies shqiptare në Kordallos kërkoi shfarosjen e këtij personi, ndërsa pretendohet se ai kërcënoi se nëse nuk arrinte ta vriste, ai do të kthehej të vriste nënën e tij, shkruajnë mediat greke.