A do të mbyllen shkollat? Ja çfarë thotë kryeministri Rama

0
272

Kryeministri Edi Rama duke folur për situatën në vend i kërkoi të gjithëve të respektojnë masat për të shmangur një mbyllje të dytë ndërkohë që u fokusua tek shkollat, për të cilat ka pasur mjaft zëra që kërkojnë mbylljen.

Rama tha në konferencën e përbashkët me ministren e Arsimit Evis Kushi dhe atë të rindërtimit Arben Ahmetaj tha se ky është një vendim që i takon autoriteteve.

“Ka së paku për sa kam mundur unë të konstatoj nga çfarë lexoj në faqen time dhe në rrjetet e mia sociale, një zë të përsëritur për mbylljen e shkollave. Dua ta theksoj dhe njëherë se çfarë hapet e çfarë mbyllet kjo është përgjegjësi e autoriteteve tona të autorizuara që kanë të gjithë ekspoertizën dhe patjetër kanë detyrimin ligjor të marrin vendime në këtë kohë kaq të vështirë.

Thënë kjo dëshiroj të përcjell që sipas të gjitha të dhënave dhe ndjekur të gjitha orientimet e autoriteteve shëndetësore në të gjithë vendet që ne i ndjekim me shumë vëmendje për të mësuar sa më shumë, shkollat nuk konsiderohen një vatër e nxehtë por një hapësirë si të gjithë hapësirat e tjera, kanë patjetër dhe potencialin e tyre të rrezikut. Që do të thotë që nga njëra anë është shumë e rëndësishme që masat të zbatohen në çdo shkollë siç po ndodh, që personeli drejtues dhe pedagogjik të jetë sa më i durueshëm dhe këmbëngulës në zbatimin e tyre dhe nga ana tjetër ajo çka unë kam dëgjaur në mënyrë të përsëritur nga ekspertët tanë është që në vlerësimet e përgjithshme që bëhen lidhur me shkollat, domosdoshmëria për të mbajtur një ekuilibër mes këtij aspekti, pra mbrojtjes së drejt për drejtë dhe mbrojtjes psikologjik të fëmijëve është në rendin e ditës në këtë vendimarrje. Sidoqoftë kjo është vendimmarrje që i takon autoriteteve tona”, tha Rama.

LEAVE A REPLY

Please enter your comment!
Please enter your name here