Nuk iu bind urdhrit për të ndaluar, i forti i Fushë- Krujë aksidenton punonjësin e policisë me ‘Audi’ . Pas një aksioni të gjerë, forcat e rendit … (Detaje nga ngjarja e rëndë)

0
117

Një ngjarje e rëndë u regjistrua pasditen e sotme në aksin Fushë Krujë- Laç, ku mbeti i plagosur efektivi i Policisë. Pas një aksioni të gjërë është bërë i mundur arrestimi i 32-vjeçarit me precedent të theksuar kriminal.

Në pranga ka rënë i riu Klavis Balloku.

Sipas njoftimit të policisë i riu nuk i është bindur urdhërit të efektivëve për kontroll gjatë një postblloku të ngritur.

Fushë Krujë

Nuk i bind urdhrit për të ndaluar, aksidentoi punonjësin e Policisë dhe u largua nga vendngjarja, kapet në kohë rekord autori i dyshuar.

32-vjeçari që drejtonte mjetin, person me precedent të theksuar kriminal në fushën e armëmbajtjes pa leje dhe heqjen e paligjshme të lirisë.

Më datë 01.10.2020, rreth orës 12:00, në aksin rrugor Fushë Krujë-Tiranë, në një nga pikat e kontrollit e ngritura në kuadër të Planit të Masave, për parandalimin dhe goditjen e paligjshmërisë, kapjen e personave në kërkim dhe atyre që lëvizin me armë zjarri, shërbimet e Policisë i kanë shenjë një mjeti tip “Audi” për të ndaluar, por drejtuesi është larguar me shpejtësi duke aksidentuar punonjësin e Policisë Rrugore, i cili është dërguar në spital, nën kujdesin e mjekëve, jashtë rrezikut për jetën.

Shërbimet e Policisë i janë vënë menjëherë në ndjekje dhe e kanë arrestuar në flagrancë shtetasin K. B., 32 vjeç, banues në Fushë Krujë.

Ky shtetas ishte shpallur në kërkim në vitin 2012, për veprat penale “Armëmbajtje pa leje” dhe “Heqja paligjshme e lirisë”.

Grupi hetimor ndodhet në vendngjarje dhe po punon për zbardhjen e ngjarjes.

Materialet do t’i kalojnë Prokurorisë së Rrethit Gjyqësor Krujë, për veprime të mëtejshme.

PËRGJIGJU

Shkruani komentin tuaj
Vendosni emrin tuaj