Rritet me shifra të frikshme bilanci i epidemisë në Itali. Të dhënat e fundit të njoftuara nga Emergjencat Civile flasin për 2263 të prekur, një rritje me 428 persona krahasuar me një ditë më parë.
Numri i viktimave ka shkuar në 79, 27 më shumë, vetëm në 24 orë. Të shëruarit janë 160, 11 më shumë se të hënën.
Autoritetet në Lombardi deklaruan se do të bëhen fushata informuese me fletëpalosje, për të këshilluar të rrinë në shtëpi sidomos njerëzit mbi 65 vjeç, për dy ose tre javët e ardhshme.
