Britanikët vënë alarmin: Strukturat shtetërore në Shqipëri po dekonspirojnë agjentët e SHISH, po publikohen informacione sekrete

0
418

Britanikët kanë dhënë alarmin se agjentë sekretë të Shërbimit Informativ në Shqipëri janë ekspozuar. Media prestigjioze “The Independent”, i ka kushtuar një shkrim shumë të gjatë këtij skandali, pasi sipas tyre, institucionet shtetërore në Shqipëri në faqet e tyre zyrtare kanë publike çdo informacion për punët e SHISH, duke rrezikuar jetën dhe punë e agjentëve. Duke mos zbuluar emrat apo detaje të tjera identifikuese në mënyrë që të parandalojë pasojat e mundshme ndaj agjentëve, media britanike shkruan se Shqipëria ka publikuar informacione të ndjeshme në lidhje me punonjësit e saj më të lartë të SHISH në internet, duke zbuluar në këtë mënyrë detaje rreth identitetit të tyre, automjeteve, roleve operacionale, lëvizjeve të udhëtimit dhe zakoneve të përditshme dhe duke i vënë ato në dispozicion të publikut. Sipas “The Independent” rrjedhja e informacionit nga shërbimi, që supozohet të jetë sekret duket të jetë e madhe dhe potencialisht e rrezikshme për NATO-n por mund të kenë pasoja edhe ndërkombëtare. Sipas tyre, përgjegjëse është Ministria e Financave. SHISH i ka dërguar ministrisë të dhëna mbi pagesat e punonjësve, duke zbuluar në këtë mënyrë detaje të hollësishme të Shërbimit Informativ Shtetëror, duke përfshirë vendndodhjet e zyrave në terren, tërheqjet në para cash si dhe hidrauliket, teknikët dhe mekanikët e makinave që Shërbimi informativ përdor. Sipas artikullit, të dhënat të postuara online zbulojnë emrat dhe numrat personalë të agjentëve të SHISH, që veprojnë brenda dhe jashtë vendit. Fletët e tabelave tregojnë emrat, pozicionet, pagat dhe shpenzimet e së paku 8 agjentë kryesorë të shërbimit sekret shqiptar, si dhe disa që punojnë nën mbulimin diplomatik në Belgjikë, Greqi, Kosovë, Itali, Maqedoni dhe Serbi. Më tej në artikull i është kushtuar një rëndësi dhe batërdisë që bëri Visho Lika. Sipas artikullit, aty u futën shumë spiunë të ish-Sigurimit të Shtetit. Sipas artikullit, ministria e Financave ka bërë të ditur se SHISH ka 913 punonjës dhe se një diplomat i huaj është ankuar për këto publikime.

Lëvizjet e agjentëve

Në artikull janë dhënë dhe informacione konkrete për agjentë të caktuar. “Një operative femër nga qyteti i Durrësit, emri dhe numri i kartës së identitetit të së cilës janë bërë evidente, thuhet se ka tërhequr një shumë ekuivalente me 18 mijë pafund gjatë rreth 10 transaksione përmes pagesave speciale”, thekson artikulli. Sipas artikullit, një agjent tjetër në Gjirokastër në jug të Shqipërisë figuron një pagesë për 200 mijë lekë në nëntor për atë që përshkruhet në faqen publike të ministrisë së financave të Shqipërisë si një “fond sekret”.

Një grup i pagesave të vitit 2017, i klasifikuar si sekret, referohet një sistemi të komunikimit të NATO-s, i referuar si Tumba, i cili mund t’i referohet disa majave malore në Ballkan. Një tjetër tërheqje prej 3 milionë lekësh (GBP 21,000) nga Banka Credins në Tiranë më 3 dhjetor është postuar në internet në fund të ditës. Detajet përfshijnë numrat e targave të makinës dhe ndonjëherë dhe detajet e modelit të automjeteve të përdorura nga spiunët, dhe madje edhe kur makinat merren për riparime, si dhe të dhënat e qëndrimeve të kushtueshme të hoteleve dhe faturat e restoranteve që spiunet shqiptar përdoren. Një ish-agjent të CIA-s që kishte njohuri për SHISH e përshkroi këtë situatë si llojin e katastrofës burokratike që mund ta rrezikonte jetën. “Administratori i internetit mund t’ju futë në rrezik nëse nuk i kushton vëmendje”, tha ai për “The Independent” në kushtet e anonimitetit, sepse ai vazhdon të punojë në çështjet e ndjeshme të sigurisë. “Mund të vendosni buxhetin në internet, por për të vënë emrat dhe detajet e tjera të agjentëve – kjo është çmenduri”, ka vijuar ai, thuhet në artikull./Kliti TOPALLI

LEAVE A REPLY

Please enter your comment!
Please enter your name here