Dje u zhvilluan dy takimet e fundit të javës së 11-të të Kategorisë Superiore, që prodhuan emocione të forta por edhe befasi në renditje. Natyrisht, me interes dje ishte dueli i Dinamos, skuadër që ka pasur probleme në rezultate gjatë javëve të fundit dhe dje “nëndetësja” u mposht nga Skënderbeu me rezultatin 2-0.
Kategoria e Parë, Iliria mban kryesimin
Java e 10-të e Kategorisë së Parë u mbyll me sfidën e zhvilluar në Peshkopi mes Korabit dhe Flamurtarit, që përfundoi në barazim pa gola. Kjo ishte e vetmja përballje e kësaj jave që u mbyll me rrjeta të paprekura. Një ditë më parë u zhvilluan pesë takimet e tjera, me Ilirinë që vijon të bëjë mirë dhe të ruajë kreun e renditjes.
Skuadra e drejtuar nga Dritan Smajlaj triumfoi minimalisht në shtëpi ndaj Orikut të vendit të fundit. Goli i Darnell në pjesën e parë vulosi fatin e takimit. Iliria kryeson me 21 pikë pas dhjetë ndeshjesh. Besa humbi ritmin e kryesuesve, pasi kavajasit u ndalën në një barazim 1-1 ndaj Burrelit në shtëpi.
Miqtë kaluan të parët në avantazh me Xhabrahimin, ndërsa Spahiu riktheu baraspeshën me anë të një 11-metërshi. Bylisi mori gjithashtu maksimumin e pikëve në përballjen ndaj Kastriotit, duke triumfuar me rezultatin 2-1. Ballshiotët gjetën rrugën e rrjetës me Rieuëai dhe Markun, duke siguruar tri pikë të rëndësishme. Për Kastriotin shënoi Hoxha. Rikthehet te fitorja edhe Kukësi, që në shtëpi mposhti Sopotit me rezultatin 2-0, duke vijuar të qëndrojë në pjesën e sipërme të renditjes.
Silva dhe Bespalla ishin autorët e golave për verilindorët, të cilët kanë grumbulluar 18 pikë, po aq sa Bylisi dhe Besa. Ndërkohë, Pogradeci arriti të marrë tri pikë të rëndësishme ndaj Besëlidhjes, një kundërshtar direkt në garën për kreun e renditjes. Godsëill shënoi golin e vetëm të takimit në pjesën e dytë, duke ngjitur skuadrën liqenore në kuotën e 17 pikëve, ndërsa lezhianët mbeten me 14 pikë.
Mes tyre pozicionohet Flamurtari me 16 pikë. Pas dhjetë javësh kampionat, renditja vijon me Korabin në vendin e gjashtë me 12 pikë, Kastriotin me 11 pikë, Burrelin dhe Sopotit me nga 7 pikë, ndërsa Oriku mbyll klasifikimin me 2 pikë.
Kategoria Supeiore, java 11
Të shtunën
Vllaznia-Elbasani 1-0
Tirana-Teuta 1-0
Laçi-Partizani 0-1
Të dielën
Dinamo-Skënderbeu …
Egnatia-Vora ….
Renditja
Nr.Skuadra Pikë
1.Egnatia …
2.Teuta 20
3.Dinamo …
4.Tirana 15
5.Elbasani 14
6.Vora …
7.Vllaznia 12
8.Skënderbeu ….
9.Laçi 11
10.Partizani 10
