Vrasja e trefishtë në Elbasan/ Prokuroria: Lajmi nuk është i vërtetë. Nuk janë lëshuar 5 urdhër-arreste

0
45

Pas publikimit në media se prokuroria e Elbasanit kishte lëshuar 5 urdhër arreste për vrasjen e Endrit Dylgjeri(Alibej), xhaxhait të tij Arben Dylgjeri si dhe turkut  Erald Durunaj më 28 dhjetor 2018, vjen reagimi i parë zyrtar nga ana e organit të akuzës në Elbasan, ku mohohet lajmi i bërë publik.

Reagimi i prokurorisë: Mirembrema! Duke ju falenderuar per mirekuptimin tuaj, ju percjell konfrmimin e drejtuesit te prokurorise, qe lajmi i publikuar eshte i rreme dhe jo i vertete.

Lajmi i rrëzuar nga prokuroria: Prokuroria e Elbasanit ka lëshuar 5 urdhër arreste për vrasjen e Endrit Dylgjeri(Alibej), xhaxhait të tij Arben Dylgjeri si dhe turkut  Erald Durunaj më 28 dhjetor 2018. Ngjarja ndodhi në afërsi të Bradadeshit, ndërsa mësohet se urdhër arrestet janë lëshuar për ekzekutorët dhe porositësit e vrasjes së trefshitë.

Dyshohet se vrasja është porositur nga dy vëllezër që jetonin në Britani dhe gjithcka nisi për 50 kg kokainë të humbura. Në vitin 2017 në Londër, ishte një i ri nga Elbasani i njohur si “Lice” që po trasportonte kokainën, për të cilën thotë se e kanë grabitur disa persona në rrugë.

Lice u mor peng disa orë dhe dyshohej se droga ishte grabitur nga Endrit Alibej dhe grupi i tij, të cilët i vranë në shenjë hakmarrje. Prokuroria ka siguruar prova dhe përgjime rreth vrasjes së trefishtë të kryer me një automjet Mercedes Benz ku po udhëtonin tre persona.

Liçja (Ilir, mbiemri i të cilit nuk bëhet i ditur) është marrë peng për disa orë nga disa persona, të cilët e kishin urdhëruar të bënin transportin e lëndës narkotike, ndërsa dyshonin se kishte rënë pre e grabitjes së Endrit Alibejt dhe anëtarëve të grupit të tij. Për t’u hakmarrë më pas ata kanë porositur ekzekutimin e Endrit Alibejt. Në 28 dhjetor 2018, Alibej po udhëtonte bashkë me xhaxhanë e tij dhe shtetasin turk në Land Roverin me targa rumune dhe të tre janë ekzekutuar nga autorët.

PËRGJIGJU

Shkruani komentin tuaj
Vendosni emrin tuaj