‘Do merrnin peng Drejtoreshën e burgut dhe Prokurorin’/ Mediat greke zbardhin planin e shqiptarëve që po tentonin arratisjen

0
187

Policia greke ka mbledhur të tjera informacione për tentativën e arratisjes së mundshme të 9 shqiptarëve nga burgu i Korfuzit në fillim të shtatorit.

Mediat greke raportojnë se me ndihmën e një gardiani, një nga shqiptarët e dënuar dyshohet se ka  futur brenda burgut një pistoletë.

Me armën që kishte mundur të siguronte shqiptari synonte që të merrte peng drejtoreshën e burgut dhe një prokuror dhe me ndihmën edhe të të dënuarve të tjerë, dyshohet se do kryenin arratisjen.

Pas arratisjes, shqiptarë kishin planifikuar të niseshin me skaf nga brigjet e Korfuzit drejt Shqipërisë.

Në datën 5 shtator, njësia anti-terror kontrolloi 15 qeli të sektorit 2 të burgut të Korfuzit ku mbahen vetëm 26 persona, nga të cilët vetëm 2 shtetas grekë.

Këta të fundit nuk rezulton të jenë të përfshirë në tentativën e arratisjes. Gjate kontrollove u gjeten 2 pistoleta, njëra prej të cilave me silenciator, si dhe thika e lëndë narkotike.

Në njërën nga pistoletat madje u gjet material ADN i një të burgosuri shqiptar. Armët dyshohet të jenë fshehur në fillim të verës gjatë kohës që burgu po rikonastruktohej.

LEAVE A REPLY

Please enter your comment!
Please enter your name here