Sebastian Vetel iu bashkua me shumë bujë Ferrarit në vitin 2015, por aventura te skuderia kokëkuqe nuk shoi siç pritej dhe gjermani nuk mundi të shtojë tituj kampion në palmaresin e tij, duke mbetur në numrin katër, të gjithë të siguruar te Red Bull.
Tashmë që aventura e tij te Ferrari është në vitin e fundit, ai ka te drejtë të zgjedhë makinën e re që do pilotojë dhe sot ai ka lançuar vendimin për të ardhmen. Vetel sezonin e ardhshëm do të jetë pilot i Aston Martin, që do të zëvendësojë Racing Point.
Ai do të zëvendësojë atje Serxho Perez, i cili lajmëroi ditën e djeshme divorcin me ish-“Force India”. Këtë sezon kjo makinë po bën shumë mirë dhe pritet ta bëjë këtë edhe në edicionin e ardhshëm, kur do të quhet “Aston Martin”. Ajo është e motorrizuar nga Mercedes, që në vitet e fundit ka mundur të ndërtojë motorin më të fuqishëm dhe ka dominuar Formula 1.