DETAJE TE REJA/ Adoleshentja u gjet e mbytur në Velipojë, në pranga shoku i saj

0
199

Policia ka arrestuar një 24-vjeçar lidhur me vdekjen e adoleshentes që u gjet e pajetë nga peshkatarët në Vilun të Velipojës.

Trupi i saj u konstatua nga peshkatarët në bregdetin e Vilunit në Velipojë rreth 700-800 metra nga bregu.

Burime mediatike bëjnë të ditur se Indrit Bajraktari, 24 vjeç nga Postriba është vënë në pranga. Mësohet se ai dhe vajza kishin dalë bashkë në det me skaf.

Ai ka thënë se ajo mund të ketë rrëshkitur nga skafi po nuk mban mend gjë më pas.

NJOFTIMI I POLICISE

Velipojë, Shkodër

Vihet në pranga një 25-vjeçar për ngjarjen e ndodhur në Velipojë ku humbi jetën si pasojë e mbytjes në det një 17-vjeçare.

Strukturat hetimore të Drejtorisë Vendore të Policisë Shkodër në bashkëpunim me Shërbimet e Policisë Velipojë, menjëherë pas ngjarjes së ndodhur ku humbi jetën si pasojë e mbytjes në det një 17-vjeçare, organizuan punë nën drejtimin e Prokurorisë së Rrethit Gjyqësor Shodër për zbardhjen e rrethanave të ngjarjes.

Në përfundim të veprimeve të para hetimore u bë arrestimi në flagrancë i shtetasit:

  • I. B., 25 vjeç, banues në fshatin Kullaj, Njesia Administrative Postrribë Shkodër.

Nga tërësia e veprimeve hetimore rezultoi se më datën 19.08.2020, rreth orës 14:00, në vendin e quajtur Vilu, plazh Velipojë Shkodër, ky shtetas ka hyrë në det me motorr uji të marrë me qera së bashku me shtetasen E. D., 17 vjeçe, banuese në Bathore.

Rreth orës 16:30, ky shtetas ka dalë në breg pa motorrin e ujit duke lënë të mbytur në ujë shtetasen E. D., e cila kishte ardhur për pushime së bashku me familjen e saj.

Në cilësinë e provës materiale u sekuestrua çelësi i motorrit.

Materialet i kaluan Prokurorisë pranë Gjykatës së Shkallë së Parë Shkodër për veprime të mëtejshme për veprat penale “Shkaktimi i vetëvrasjes”, “Moskallëzimi i krimit” dhe “Veprime që pengojnë zbulimin e së vërtetës”.

Leave a Reply