Një makinë është gjetur e djegur në lagjen ‘Sarave’, pranë autostradës në Lushnjë, ndërsa mendohet se i përket autorëve të vrasjes së Besnik Hysës. Ngjarja ndodhi rreth orës 08:15, në një lokal në lagjen “Skënder Libohova”.
35-vjeçari ka qenë në një lokal në katin e dytë të një objekti kur është qëlluar me breshëri automatiku, ndërsa pak pas krimit 2 autorët janë larguar me makinë. Pavarësisht se policia ngriti postblloqe, autorët janë në arrati.
Ndërkohë mësohet se viktima njihej në zonë si person familjar, i qetë dhe nuk figuron me precedentë.
