Kryetari i Partisë Demokratike Lukzim Basha i është bashkuar protestës së artistëve dhe qytetarëve për mbrojtjen e Teatrit Kombëtar.
Duke folur për mediat brenda sallës së Teatrit, Basha tha se PD-ja prej një muaji po negocion një marrëveshje me artistët për të gjetur një zgjidhje përfundimtare për Teatrin Kombëtar.
“Përgatitja e marrëveshjes ka nisur para një muaji. Nesër do ta firmosim dhe do botohet e plotë. Nesër do keni edhe pikat e marrëveshjes. Aleanca për Teatrin e ka udhëhequr këtë protestë, ne do jemi në mbështetje të tyre”, deklaroi Basha.
