Avokati Spartak Ngjela, duke komentuar zhvillimet e reformës në drejtësi dhe ngritjen e institucioneve të reja, ka thënë se 3 apo 4 ministra socialistë mund të përfundojnë para drejtësisë.
Ngjela madje zbuloi edhe një bisedë me kryeministrin Edi Rama, që sipas tij i ka thënë se reforma në drejtësi “i kap 3 nga ministrat e tij”.
“Minimumi tre-katër ministra i kap. Nuk më intereson çfarë pushtetesh ka kapur ai. A i mbron dot të korruptuarit? Nuk i mbron. Bëri reformën në drejtësi, bravo i qoftë.
Më ka thënë vetë Rama, shumë mirë që po bën por mua më kap tre. Kush ka futur duart le të paguaj. Jan tre-katër”, deklaroi Ngjela në emisionin “Repolitix”.