Në kuadër të zgjedhjeve lokale dhe analizimin e aktualitetit, Partia Socialiste ka zhvilluar sot një takim me 25 partitë e koalicionit. Burime pranë takimit shprehen se qëndrimi i selisë rozë është fokusuar kryesisht te situata politike në vend.
Duke komentuar braktisjen e Kuvendit, përfaqësuesit e PS janë shprehur se ky vendim i opozitës dëmton imazhin e Shqipërisë.
“Retorika e dhunës nga ana e Partisë Demokratike dhe Lëvizjes Socialiste ka si qëllim destabilizimin e vendit” – mësohet të jetë thënë në takim.
Nga ana tjetër, PS është shprehur pro ndryshimit të Kodit Zgjedhor ndërsa ka kërkuar ndërtimin e një platforme bashkëpunimi për lokalet 2019.