DETAJET E REJA/ Po konfliktohej me gruan, qëllon në drejtim të policisë. 71-vjeçari nuk dorëzohet

    0
    343

    Policia ka identifikuar personin që po qëllon në drejtim të efektivëve. Bëhet fjalë për Lefter Zhidru, 71 vjeç. Policia mbërriti sapo ishte njoftuar se ai po konfliktohej me bashkëshorten e tij. Por ai ka qëlluar dhe vijon të qëllojë me kallash ndaj policëve.

    Mësohet se dy të rinj, kalimtarë të rastësishëm janë plagosur dhe janë jashtë rrezikut për jetën.

    Elbasan/Informacion paraprak

    Më datë 24.09.2020, rreth orës 13:20, në lagjen “11 Nëntori”, Elbasan shtetasja F. Zh., ka patur një konflikt me bashkëshortin e saj, shtetasin Lefter Zhidru, 71 vjeç, i cili në momentin që ka shkuar Policia është futur në banesë dhe ka qëlluar dhe vijon të qëllojë me armë zjarri kallash në drejtim të forcave të Policisë.

    Forcat Shqiponja dhe Patrullat e Përgjithshme janë pozicionuar dhe kanë vendosur perimetrin e sigurisë dhe vijojnë t’i bëjnë thirrje këtij shtetasi të dorëzohet, i cili vijon të bëjë rezistencë duke qëlluar vazhdimisht në drejtim të Policisë.

    Si pasojë e të shtënave janë plagosur jashtë rrezikut për jetën dy shtetas, L. S., 22 vjeç dhe A. K., 21 vjeç, kalimtarë të rastit, në momentin që ky shtetas ka filluar të qëllonte me armë në drejtim të Policisë.

    Në ndihmë të Policisë lokale janë nisur menjëherë forcat e FNSH dhe të RENEA-s, për të bërë neutralizimin dhe kapjen e shtetasit që vijon të qëllojë me armë në drejtim të Policisë.

    Shtetasi Lefter Zhidru vijon të qëllojë me armë duke bërë rezistencë edhe pas thirrjeve të pandërprera të Policisë.

    Banesa nga e cila po qëllon ky shtetas është e rrethuar dhe Policia ka vendosur një perimetër të gjerë rrethimi, për të parandaluar dëmtimin e kalimtarëve të tjerë të rastit.

    LEAVE A REPLY

    Please enter your comment!
    Please enter your name here