Anëtari i Nismës, Luan Maloku, u plagos dje rreth orës 17:00 para shtëpisë së tij në lagjen Veterenik në Prishtinë. Ngjarja dyshohet se ndodhi pas një problemi familjar.
Të dyshuar për plagosjen sipas burimeve të Gazetës Express janë ish- miqtë e Malokut, Orhan dhe Uran Agushi, ndërsa Maloku mori plagë dhe është jashtë rrezikut për jetën, pasi plumbat nuk i kanë prekur organet jetësore.
Policia e Kosovës deri më tani, ka arritur ta arrestojë vetëm njërin nga të dyshuarit. Kujtojmë që të dyshuarit janë familjarët e ish-gruas së Malokut, babai dhe vëllai i saj.
“Lidhur me rastin policia ka arrestuar një person të dyshuar. Po ashtu është konfiskuar një armë zjarri e cila dyshohet të jetë përdorur në rastin në fjalë”, ka thënë Flora Ahmeti, zëdhënëse e policisë për mediat.
