Gazetari Basir Çollaku i cili është paditur për shpifje nga Taulant Balla është marrë sot në pyetje për rreth 30 minuta në Prokurorinë e Krimeve të Rënda.
Çollaku sapo ka dalë nga Prokuroria ka thënë për gazetarët se ai u pyet për mënyrën se si ishte realizuar intervista me oficerin që denoncoi rastin e Xhisiela Malokut, Emilajno Nuhu.
Ai tha se Prokuroria duhet t’i shkojë këtij rasti deri në fund për të “nxjerrë grupin armiqësor”.
“Isha thirrur nga prokurori në cilësinë e personit që di për ngjarjen. Prokuroria t’i shkojë deri në fund, për të nxjerrë grupin armiqësor.
Prokurorët kanë kërkuara të dinë se cilat ka qenë mënyrë e intervistës, kontaktet me Nuhun, besoj se prokuroria do të jetë korrekte ashtu siç ishte gjatë kësaj seance. Ti shkojë deri në fund pretendimit të politikanve e se mbase ata janë skenaristët”, tha ai ndër të tjera.
