Një shqiptar i dënuar me 25 vjet burg në Shqipëri për një vrasje, ndodhet i lirë ne Britani. Mediat e huaja shkruajnë se bëhet fjalë për shqiptarin Hektor Mahmutaj, 42 vjeç, i cili tashmë ka ngritur pretendime se çdo ekstradim i mundshëm i tij për në atdhe, përbën shkelje të të drejtave të njeriut.
Daily Mail, shkruan se Majmutaj u dënua me 25 vjet për vrasjen e fermerit Gentjan Jahaj në Shqipëri në korrik 1997.
Emigranti u fsheh në një fermë para se te largohej ilegalisht në Britani të Madhe, me një kamion në dhjetor të të njëjtit vit. Faktet janë bërë publike nga gjykata e magjistratëve në Ëestminster.
Ai ka jetuar tashmë në Britani për më shumë se 20 vjet, duke përdorur 13 emra false për t’i shpëtuar çdo lloj gjurmimi që do të çonte në zbulimin e tij.
Majmutaj, i cili jeton në Liverpul, u dënua për vrasjen e Jahaj në mungesë të tij në prill të vitit 2000.
Ai thuhet se e kishte qëlluar atë kur ishte në një makinë me tre burra të tjerë në fshatin Bejar.
Interpol liston akuzat e tij si ‘vrasje me paramendim, prodhim ilegal dhe mbajtje të armëve dhe municioneve ushtarake’.
Mahmutaj u arrestua në një urdhër të Interpolit në dhjetor 2006, kur identiteti i tij u zbulua.
Ai u dënua më pas dhe u burgos për dy vjet e gjysmë për mbajte të armëve të zjarrit në Britani të Madhe, por një kërkesë për ekstradim nga Shqipëria u mohua vitin e ardhshëm.
Gjykatësi vendosi që Mahmutaj nuk kishte fshehur qëllimisht nga autoritetet shqiptare dhe ai nuk ishte i garantuar një rigjykim kur u kthye.
Gjykatësi vendosi që Mahmutaj nuk ishte fshehur qëllimisht nga autoritetet shqiptare dhe nëse do të rikthehej atij nuk i garantohej një proces i ri gjyqësor.
Policia shqiptare lëshoi sërish një tjetër urdhër arrest për të 10 vjet më vonë, pas ndryshimit të ligjeve sa i përket rigjykimit. Mahmutaj u arrestua sërish në Janar dhe tashmë do të përballet me rigjykimin nëse ekstradohet.
Pas kësaj, gjykatësi Tan Ikram tha se Mahmutaj mund të ekstradohej, por duke qenë se nuk është shtetas i Bashkimit Europian, rasti duhet të referohet në Home Secretary.
Pas pagimit të një pagese garancie prej 10,000 dollarësh në gjykatë, shqiptari ka mundësi të lëvizë i lirë.
Babai i dy fëmijëve tha se ekstradimi do të ishte i padrejtë pasi ai kurrë nuk u arrestua për veprën penale qe akuzohet.
Shqiptari deklaroi se nuk ka lidhje me vrasjen dhe tha se u arratis pasi kishte frikë nga një hakmarrje nga vrasësi i vërtetë.
