Kosovë, zv. ministri i shkarkuar Musa Cena mund të dënohet me 12 vjet burg

0
433
Ish-zëvendësministri i Zhvillimit Rajonal, Musa Cena, i arrestuar më 20 tetor nën dyshimin se ka keqpërdorur detyrën zyrtare dhe ka marrë rryshfet, sipas Kodit Penal të Kosovës mund të dënohet me dënim maksimal deri në 12 vjet.
Musa Cena, ish-zëvendësministër i Zhvillimit Rajonal, është arrestuar më 20 tetor të 2018, nën dyshimin se ka keqpërdorur detyrën apo autoritetin zyrtar dhe ka marrë ryshfet.
Po atë ditë, janë arrestuar edhe shefi i Drejtorisë së Bujqësisë në Rahovec, Nusret Shala, dhe pronari i kompanisë konsulentë “Gentle Research”, Hazër Shehu.
Të tre të arrestuarit dyshohen për vepra penale “Marrje e ryshfetit”, “Keqpërdorim i pozitës dhe i autoritetit zyrtar”, “Ushtrim  i ndikimit”, “Ndihmë në kryerjen e veprës penale të marrjes së ryshfetit”.
Kodi Penal i Republikës së Kosovës parasheh se vepra penale për marrje të ryshfetit, neni 428, mund t’i çojë në burg të dyshuarit dhe dënimi të jetë prej 6 muaj deri në 12 vjet burg.
Vepra penale “Keqpërdorim i detyrës zyrtare apo autoritetit zyrtar”, neni 422, sipas Kodit Penal, dënimi minimal me burg është 6 muaj dhe ai maksimal 5 vjet burg.
E dënimi maksimal për veprën penale “Ushtrim i ndikimit” nga Kodi Penal, neni 431, thotë se arrin deri në 8 vjet burg, kurse ai minimal për këtë vepër është dënim me gjobë.

LEAVE A REPLY

Please enter your comment!
Please enter your name here