Partia Demokratike ka zyrtarizuar edhe kandidatin për kryetar bashkie të Shkodrës për zgjedhjet e 6 marsit.
Strukturat drejtuese te PD në Shkodër propozuan Xhemal Bushatin për të kandiduar në zgjedhjet e pjesshme vendore.
Xhemal Bushati ka mbajtur më parë postin e ish-kryetarit të këshillit bashkiak Shkodër.
Sipas afateve të vendosura nga Kryesia e PD-së, baza e partisë dhe kryesitë e Degëve në 6 bashkitë duhet të propozojnë kandidatët brenda ditës së sotme, 2 shkurt.
Kandidatët e propozuar nga baza do t’i nënshtrohen më pas shqyrtimit dhe miratimit nga Kryesia e PDSH-së.
