Shpresat ishin të gjitha te Kristiano Ronaldo, por as portugezi nuk arriti dot t’ja sillte trofeun e Champions League Juventusit këtë sezon.Kampionët e Italisë u eliminuan mbrëmjen e djeshme nga Ajaxi pas humbjes 1-2. Sigurisht, vetë ylli portugez i cili shënoi në të dyja sfidat ka qenë i zhgënjyer pas ndeshjes. Ka qenë vetë mamaja e 34-vjeçarit, e cila për mediat portugeze zbuloi se Cr7 pas ndeshjes ishte shprehur se nuk bënte dot mrekullinë. Dolores u shpreh: Ishte i trishtuar pasi donte të shkonte në finale. Më tha që nuk bëj dot mrekulli, por jeta vazhdon.”