Festat e fundvitit shquhen shpesh për teprim me pijet dhe me sa duket këtë vit rekordin e mban qyteti i Fierit.
100 fierakë, kryesisht mosha të reja janë paraqitur në spitalin e Fierit orët e para të mëngjesit të sotëm në gjendje të dehur dhe me simptoma të intoksikacioni.
Mund të merret lehtë me mend se ndërrimi i viteve nuk është festuar vetëm më pije apo fishekzjarrë.
Gjithsesi, pasi kanë marrë mjekimin e nevojshëm shumë nga të rinjtë kanë dalë nga spitali në drejtim të shtëpisë së tyre.
Kujtojmë se në spitalin e Fierit u paraqit dhe një 31-vjeçar i plagosur me armë zjarri. Ai nuk tregoi rrethana të ngjarjes pasi rezultoi të ishte në gjendje të dehur.
