Denoncoi doktoraturën e Kryemadhit si plagjiaturë, Taulant Muka i shkruan juristit të njohur dhe bën veprimin e radhës

0
336

Ish-zëvendës ministri i Arsimit, Taulant Muka denoncoi dje edhe kryetaren e LSI-së, Monika Kryemadhi për plagjiaturë të doktoraturës.

Sipas Mukës, teza e Kryemadhit, me titull “Analiza e sistemit të sigurimeve shoqërore në këndvështrimin ekonomik dhe Juridik”, është kopjuar pothuajse tërësisht nga libri “European Welfare States: Comparative Perspectives” me autor Mel Cousins, shtëpia botuese SAGE Publications, viti i publikimit 2005.

Ndërkohë, në komentet e shumta të denoncimit të plagjiaturës që Muka publikoi mbrëmë në rrjetet sociale vihet re edhe një hap i dytë i akademikut.

Ai i shkruan ish-ministrit të Drejtësisë, Ylli Manjani që ta ndihmojë që denoncimin e plagjiaturave ta çojë në një hap të dytë, deri në ndjekje penale.

Muka më herët ka denoncuar edhe ish zëvendës-ministrin e Arsimit, Ervin Demo, deputetet e PS, Blerina Gjylameti, Mimi Kodheli dhe ministren e Shëndetësisë, Ogerta Manastirliut.

LEAVE A REPLY

Please enter your comment!
Please enter your name here