Ushtria izraelite ka urdhëruar eliminimin e të gjithë luftëtarëve të Hezbollahut në zonën jugore të Libanit, duke përfshirë territorin nga kufiri deri në lumin Litani, rreth 30 kilometra në veri.
Në një deklaratë zyrtare, gjenerallejtënant Eyal Zamir, theksoi se ka dhënë urdhër që kjo zonë të konsiderohet “zonë vdekjeje” për çdo anëtar të Hezbollahut.
“Kam dhënë urdhrin që zona jugore e Libanit, të shndërrohet në një zonë vdekjeje për çdo terrorist të Hezbollahut”, thuhet në deklaratë.
Sipas raportimeve, shefi i shtabit të ushtrisë izraelite e bëri këtë deklaratë gjatë një vizite te trupat izraelite të dislokuara në territorin libanez.
