Kryeministri i Malit të Zi, Milojko Spajiç në një intervistë për Berliner Morgenpost ka thënë se Podgorica s’do të heq dorë nga njohja e Kosovës dhe synimet strategjike që ka ndërsa ka theksuar se shpreson që vendi i tij të jetë gati për anëtarësim në BE në 2026. Me kërkesat burokratike në nivel të BE-së, ne mendojmë se viti 2028 është realist tha Spajiç.
Megjithatë, fantazmat e së kaluarës ende ndjekin, veçanërisht duke marrë parasysh marrëdhëniet tuaja me Serbinë, i tha bashkëbiseduesi kryeministrit i cili e pranoi një gjë të tillë.
“Ne kemi pasur një polarizim dramatik të shoqërisë për 25 vjet. Ju lutemi mbani mend, në vendin tonë ka malazezë, serbë, kroatë, boshnjakë dhe shqiptarë. Rusia ka ndërhyrë shpesh dhe është përpjekur të ndërhyjë në grupet tona etnike. Modeli është kristal i qartë: Rusia është e interesuar vetëm të shkaktojë kaos”, tha ai.
Gazetari pyeti kryeministri nëse mund ta pengojë Serbia akoma anëtarësimin e Malit të Zi në BE?
“Ne e duam Serbinë. Është vendi ynë fqinj dhe një partner i rëndësishëm tregtar. Rreth 40 për qind e turistëve janë serbë etnikë. Është shumë e rëndësishme për ne që të mbajmë marrëdhënie të mira me Serbinë. Megjithatë, ne nuk do të heqim dorë nga synimet tona strategjike, nga rruga jonë evropiane, nga anëtarësimi në NATO dhe nga njohja e Kosovës. Ne do të ndihmojmë për afrimin e Serbisë dhe shteteve të tjera të Ballkanit Perëndimor me Evropën”, u shpreh Spajiç.
I pyetur se çfarë frike keni kur mendoni për vitet e ardhshme me Vladimir Putin, Spajiç tha se nuk është i sigurt se cila është strategjia e rusëve apo çfarë hapash do të ndërmarrin më pas.
“Megjithatë, unë mendoj se Evropa është më e aftë të merret me të se kurrë më parë. Sinqerisht, na vjen keq për popullin e Rusisë. Mali i Zi nuk është armiqësor ndaj tyre – rreth 10,000 rusë jetojnë në vendin tonë, shumica e tyre kanë ikur nga regjimi.”, përfundoi kryeministri malazez.