Një shpërthim i fortë ka ndodhur mbrëmjen e sotme në lagjen numër 3 të Durrësit.
Bëhet me dije se shpërthimi ka ndodhur në shtëpinë e kreut të FSHF Armand Dukës. Mësohet se pranë shtëpisë është vendosur lëndë plasëse, sakaq si pasojë e shpërthimit mësohet se nuk ka persona të lënduar.
Policia ka mbërritur në vendngjarje, duke rrethuar banesën.
Lajmi për eksplozivin në banesën e Dukës u njoftua dhe nga drejtuesi i emisionit Opinion, Blendi Fevziu.
“Kam një njoftim ma verifikoni pak. Më thonë se në këto moment ka vendosur eksploziv në shtëpinë e Armand Dukës është zyrtare më thotë dhe se shpërthimi ka ndodhur në Durrës. Ka qenë vetëm gruaja në shtëpi. Shpërthimi është dëgjuar në Durrës. Dinamit tek Duka më thotë”-tha Fevziu.
