Ndërrimi i viteve do ti gjejë personazhet vip në një ambient tjetër, larg shtëpive e familjeve. Kishte marrë ftesë edhe më herët, por ky është shqiptari i njohur që do të futet në BBV më 1 janar?!
Personazhet të cilat tanimë janë bërë të dashur për publikun që nga tetori ndërrimin e viteve do ta presin brenda shtëpisë së Big Brother Vip. Që nga kjo javë kanë nisur përgatitjet për spektaklin që do të jepet për natën e Vitit të Ri.
Edhe pse jemi mësuar ta shohim të martave dhe të premteve, produksioni ka vendosur që shqiptarët ta nisin ditën e parë të vitit të ri pikërisht me ‘BBV’.
Nga burimet për “Revista Ora” thuhet se në shtëpinë më të famshme të momentit, në 1 janar do të hyjë një emër i madh, që do të jetë super surprizë për banorët dhe për gjithë publikun.
Bëhet fjalë për ish-kapitenin e Kombëtares shqiptare, Lorik Cana, i cili kishte marrë ftesë që nga tetori për tu bërë pjesë e BBV.
Loriku do të jetë i ftuari special i kësaj nate, por ende nuk dihet për sa kohë do të qëndrojë në shtëpi. Mendohet që do të jetë vetëm i ftuari special i datës 1 Janar që do bëjë edhe rolin e opinionistit, apo ndoshta do të qëndrojë deri në fund të këtij edicioni të ‘BBV’.
Kujtojmë që Lorik Cana ka pasur lidhje të ngushta me njërin nga ish-konkurrentët e këtij sezoni, kushëririn e tij, Granit Canën, i cili e la shtëpinë pak kohë më parë, pasi doli më pak i preferuari për publikun nga të nominuarit e asaj mbrëmje.
Gjithashtu, ajo që dihet deri tani për spekataklin e kësaj mbrëmje, është se banorët kanë nisur që tani përgatitjet për sketche, numra baleti nën drejtimin e Ilirit, intervista të ndryshme.
