Mes Oni Pustinës dhe mbështetësve dhe familjarëve të balerinit Ilir Shaqiri kanënisur replikat e ashpra me një gjuhë fyese.
Teksa shumë persona e konsiderojnë Ilir Shaqirin si inteligjent dhe njeri model, i cili ka ndërtuar një karrierë të suksesshme jashtë, duket se ka të tjerë që nuk mendojnë kështu.
Madje, edhe figura publike. Konkretisht po flasim për Oni Pustinën, i cili ka rrëmbyer vëmendjen e të gjithëve. Ai ka lënë një koment për Ilirin në faqen zyrtare të “Big Brother VIP”.
Oni shkruan se Iliri ka një jetë që xhelozon shqiptarët e suksesshëm në Itali dhe se përpiqet përmes intrigave që të jetë në nivelin e tyre.
Ndërkohë menjhëherë pas këtyre komenteve rrjeti gumëzhiu në replika, dhe kjo ka bërë që ai të reagojë sërish duke shkruar:
“Se na çatë trapin me komentet , unë xheloz, unë leshi, unë preshi. E komentova legenin sepse në vend që të merret me konkurrentët që ka aty, shkon dhe dërdëllis për mu dhe jetën time. Dhe e bën me stilin e tij prej…. Ça ke mor rob zoti?! Shif jetën tënde se time n e shof vetë…”
Ishte gruaja e Ilirit ajo që reagoi ashpër ndaj Onit, duke thënë se ky i fundit po hedh baltë mbi familjen e tyre, dhe Shaqiri së bashku me Kledin kanë qenë miq së bashku.
“Hajde Oni, djalë i mirë. Keni arritur të merrni një artikull!!! Gjithsesi Iliri ishte në dasmën e Kledit dhe në pagëzimin e vajzës. Më duket se nuk të kam parë. Çfarë nuk bën për t’i bërë njerëzit të flasin. Kur ke pasur nevojë, të kemi pritur dhe për shumë gjatë. Dhe ti e di këtë. Mjaft, të lutem. Sa turp”, tha gruaja e Shaqirit.
Ndërsa në një tjetër koment, Emanuela shkruan: “Fatkeqësisht, njerëzit pështyjnë aty ku kanë ngrënë.”
Ilir Shaqiri është prej pretendentëve për të fituar “Big Brother VIP”, i cili po portretizohet edhe si një nga pretendentët për të fituar reality-shown.
