Mbrëmjen e shkuar gazetari i kronikës së zezë Artan Hoxha ishte i ftuar në emisionin “Opinion” ku u diskutua për personat në kërkim nga policia dhe aksionet e dështuara për t’i kapur. Ai foli për mënyrën se si komunikon me ta kur janë ende në kërkim dhe qëllimi i tij si gazetar është t’i intervistojë në mënyrë që të marrë informacione prej tyre. “Arrestimi është punë e policisë”,- u shpreh më tej Hoxha. “Po unë edhe Klodi kemi kontakte me persona me rrezikshmëri të lartë që janë edhe në kërkim që marrim informacione se ne nuk hyjmë në zyrën e prokurorëve dhe vjedhim dokumenta. Mua më intereson që personat më të kërkuar nga policia t’i gjej unë para policisë dhe t’i intervistoj, unë jam gazetar. Policia ka punën e vet”-tha Hoxha.
