Mediat në Serbi kanë mbetur të tronditura teksa Rusia, miku i tyre më i ngushtë, ka mbështetur axhendën e INTERPOL për ditën e nesërme, ku do të votohet edhe për anëtarësimin e Kosovës.
Serbia kishte kërkuar që kjo agjendë të ndryshohet, por morën përgjigje negative nga Këshilli i Asamblesë së INTERPOL.
Sipas burimeve të mediave në Serbi, thuhet se Presidenti rus Vladimir Putin, nuk e ka penguar Kosovën që të vendoset për votim nesër në Asamblenë e INTERPOL. Sipas tyre, gjashtë vende të tjera anëtare të INTERPOL, kishin përkrahur që kjo agjendë të ndryshohet, por jo Rusia.
Mediat atje shkruajnë në se emër të Serbisë, dhe kundër përfshirjes së Kosovës në rend dite, ishte Spanja, Qipro, Kina, Siria, Venezuela, Surinami. Kurse, në favor të Kosovës, votuan SHBA, Franca dhe Guajana.
“Rusët nuk kanë marrë udhëzime nga Qeveria e tyre për të folur për këtë çështje. Kosova u miratua që të hyjë në rend dite nesër dhe kështu do të votohet edhe për anëtarësimin e saj”, shkruan Telegrafi i Serbisë.
