Rama ‘fundos’ Bechettin! Kjo është shuma që duhet t’i paguajë qeverisë shqiptare

0
411

Qeveria shqiptare ka fituar gjyqin ndaj biznesmenit të njohur Francesco Bechetti në lidhje me ndërtimin e hidrocentralit të Kalivacit.

Vendimi është dhënë më datën 7 shtator nga Gjykata e Arbitrazhit në Paris e cila ka dënuar kompaninë “Hidro SRL” të Bechettit me një shumë të majme prej 7 milion eurosh.

Koncesioni për ndërtimin e hidrocentalit me fuqi 100 megavat u dha që në vitin 1998 në qeveria e atëhershme tek kompania e zotëruar nga biznesmeni italian. Por vepra nuk u ndërtua asnjëherë, derisa në maj të vitit të kaluar qeveria shqiptare vendosi ta prish në mënyrë të një anshme kontratën.

Në tetor të vitit 2014, kompania e zotëruar nga Becchetti e paditi Shqipërinë në Gjykatën e Arbitrazhit duke kërkuar zgjidhjen e koncesionit të Kalivaçit dhe 137.3 milionë euro dëmshpërblim nga qeveria shqiptare, me pretendimin e ishte shteti shqiptar ai që e kishte penguar ndërtimin e hidrocentralit.

Pas katër vitesh përplasje gjyqësore, në janar të këtij viti arbitrazhi i Parisit vendosi ta rrëzojë padinë e Becchetti ndaj Shqipërisë, duke lajmëruar se vendimi për kompensimin financiar do të merrej më vonë.

Pikërisht një javë më parë, gjykata e Parisit ka vendosur shumën 7 milionë euro si dëmshpërblim që kompania e Becchetti duhet t’i paguajë Shqipërisë për mosndërtimin e hidrocentralit sipas afateve të parashikuara në kontratë.

PËRGJIGJU

Shkruani komentin tuaj
Vendosni emrin tuaj