Vuçiq: Do ta vizitoj Kosovën

0
430

Presidenti i Serbisë Aleksandar Vuçiq, në një adresim për opinionin, në mbrëmjen e së premtes, ka thënë se ditën e shtunë si edhe të dielën, do ta vizitojë Kosovën.

“Unë nesër (të shtunën) do të shkojë në Kosovë dhe do ta fillojë vizitën në Ujman (Gazivodë) dhe në Qendrën ekologjike në Ujman. Pres që gjithçka të kalojë mirë dhe pres që atje, në mënyrën më normale t’iu drejtohem njerëzve dhe t’u tregoj se sa është i rëndësishëm Liqeni i Ujmanit, jo vetëm për serbët por edhe për shqiptarët në Kosovë”, tha Vuçiq.

Vizitën e tij, Vuçiq do ta vazhdojë të shtunën në Zveçan, ndërkaq ditën e diel do të mbajë tubimin në Mitrovicë të veriut.

Vizita e Vuçiqit ishte vënë në pikëpyetje për faktin se autoritetet e Kosovës i kishin lejuar atij vizitën në pjesën veriore, por jo edhe realizimin e agjendës për vizitë tek Liqeni i Ujmanit (Gazivodës).

Sidoqoftë, Vuçiq tha se do të shkoj edhe tek Ujmani (Gazivoda), duke theksuar se ai përbën një burim dhe pasuri ekonomike të Serbisë.

PËRGJIGJU

Shkruani komentin tuaj
Vendosni emrin tuaj