Armando Broja ka probleme fizike, kjo është konfirmuar edhe nga trajneri i Burnley, Scott Parker. Gjatë konferencës së sotme, Parker ka theksuar se sulmuesi kuqezi nuk do jetë në dispozicion të skuadrës për ndeshjen ndaj Chelseat.
“Nuk do ia dalë për fundjavën. Për të qenë të drejtë, po kalon një problem prej disa javësh dhe duhet të ndërhynim. Nuk do të jetë për shumë gjatë, shpresojmë për pak javë nga tani, por e sigurt që nuk do të jetë i gatshëm për këtë fundjavë që të luajë në atë ndeshje”, tha Parker.
Kujtojmë që Shqipëria do të luajë me 26 mars ndeshjen e Play off të Botërorit ndaj Polonisë. Kjo situatë e krijuar me Brojën vendos “alarm” për Sylvinhon, para këtij takimi të rëndësishëm.
