Pas një dimri të ashpër, ku Rusia u përpoq ta gjunjëzonte Ukrainën përmes bombardimeve ndaj rrjetit energjetik, Kievi ka reaguar me një kundërsulm të papritur dhe të fuqishëm. Pasi miliona qytetarë mbetën pa energji elektrike, ushtria ukrainase ka nisur një fushatë të re goditjesh që ka befasuar edhe vëzhguesit e NATO-s.
Ky kundërsulm nuk ndjek modelin klasik të hakmarrjes ushtarake. Në vend që të synojë objektiva të zakonshme, Ukraina ka zgjedhur një strategji asimetrike: dronët e saj kanë depërtuar mbi 1,000 kilometra brenda territorit rus, duke goditur rafineritë e naftës dhe uzinat kimike. Nga Belgorodi deri në Samarë, qielli rus është ndriçuar nga shpërthimet, ndërsa infrastruktura energjetike e vendit është vënë në shënjestër.
Analistët e shohin këtë si një “Blitzkrieg ekonomik”, i cili synon të paralizojë logjistikën e pushtimit rus. Goditja e rafinerive dhe uzinave nuk ka vetëm efekt simbolik; ajo prek drejtpërdrejt furnizimin me karburant për tanket dhe avionët e Moskës.
Strategjia e re e Ukrainës ka ngritur pikëpyetje mbi bastin dimëror të Kremlinit. Në vend që të detyrojë Kievin të dorëzohet për shkak të mungesës së energjisë
