Liverpooli ka mundësinë që për herë të 20-të të shpallet kampion i Anglisë, teksa u mjafton vetëm një pikë kundër Tottenham. Premier League e futbollit në Angli është në raundin e 34-t. Ndërkohë që Manchester United dhe Bournemouth barazuan 1-1.
Në “Vitality Stadium” Bournemouth dhe Manchester United barazuan 1-1. Ndeshja u zhbllokua pas 23 minutave me golin e Semenyo për vendasit. Vendimtare edhe minuta e 70-të kur Bournemouth mbeti me një lojtar më pak pas daljes me karton të kuq të Evanilson. Paçka se United u hodh në sulm, goli i barazimit erdhi vetëm në ekstremin e sfidës. Duhej Hojlund në shtesën e gjashtë që të barazonte për 1-1.
Sezon i dështuar për United që me 39 pikë pozicionohet në vendin e 14-të. Ndërkohë që Bournemouth me 50 pikë mban pozitën e 10-të.
Premier League, raundi 34:
E diel, 27 prill 2025
15:00 Bournemouth 1-1 Manchester United
17:30 Liverpool – Tottenham