Gasperini kërkon “gjak të ri” te Atalanta, drejtuesit studiojnë Armando Brojën

0
134

E ardhmja e sulmuesit të Shqipërisë, Armando Broja mund të marrë një drejtim akoma më të mirë edhe nëse nuk luan sezonin e ri me Çelsin. Sipas mediave italiane, futbollisti i “Bluve” po studiohet nga drejtuesit e Atalantës nëse plotëson kushtet për të qenë golashënuesi i duhur për bergameskët. Nga ana tjetër, edhe Napoli e ka ndjekur me vëmendje sulmuesin kuqezi. “Të kaltrit” nuk pranojnë ta shesin sulmuesin kryesor, nigerianin Viktor Osimhen për më pak se 100 milionë euro. Mediat italiane shkruajnë se nëse drejtuesit e klubit napolitan pranojnë ta sheshin Osimhen, nuk kanë në plan  ta zëvendësojnë me 20-vjeçarin Broja. Osimhen është një lojtar i shpejtë që lëviz shumë me topin, ndërsa Broja është lojtar që shfrytëzon më së miri lartësinë dhe forcën.

Mbyllet kapitulli i bukur 5-vjeçar i Atalantës në Europë, Gasperini do revolucion
Pas 5 vitesh radhazi pjesëmarrje në kompeticionet e klubeve europiane, Atalanta e mbylli sezonin  e fundit në vendin e tetë në Serinë A duke humbur kështu të drejtën për të luajtur sërish në kupat europiane. Në këtë situatë, pas 5 vitesh mjaft mbresëlënëse te bergameskët duke u kthyer në 4 skuadrat më të forta të Italisë, ka ardhur koha që skuadrat të rinovohet dhe revolucionarizohet. Tekniku Xhan Piero Gasperini kërkon mbështetjen dhe ndërhyrjen e drejtuesve të klubit italian në merkato për të sjellë emrat e duhur që mund të garantojnë nisjen e një kapitulli të ri në faqen e historisë së Atalantës.
Rikthehet te Çelsi, ku do të luajë këtë sezon Broja?
Vitin e kaluar, pasi mbylli huazimin te holandezët e Viteses, numri 9 i kombëtares sonë firmosi kontratë 5-vjeçare me ish-kampionët e Europës në sezonin 2020/2021 Çelsin. Ai ka zhvilluar dy sezone të plota si futbollist me ekipet e para; përkatësisht në 2020/2021 me Vitesen në kampionatin holandez ku shënoi 11 gola në 34 ndeshje. Sezonin tjetër drejtuesit e Çeslit menduan se Broja kishte ende nevojë për t’u rritur profesionalisht si futbollist dhe u huazua  te Sauthemptoni. Pavarësisht paraqitjeve pozitive nga fillimi i sezonit në Premier Ligë, forma e Brojës ra në mesin e sezonit edhe për shkak dëmtimi. Tashmë, ai duhet të kthehet te Çelsi për të pritur verdiktin e radhës për karrierën e vet. Aktivizimet te Sauthemptoni i dhanë të drejtën të aktivizohej dhe me Kombëtaren, ku ka realizuar deri tani 4 gola në 14 ndeshje, dy prej tyre janë golat  e fitoreve ndaj Hugarisë në kualifikueset për Botërorin “Katar 2022”. Ndaj tij janë rritur shumë pritshmëritë te tifozët dhe mediat shqiptarë që pas dy golave ndaj Hungarisë vitin e kaluar, pasi po konsiderohet si sulmuesi më i mirë që ka pasur kombëtarja jonë ndonjëherë. Megjithatë, kritikët e tij kanë kërkuar që Broja të shmangë euforinë dhe joshjen nga komplimentet e shumta dhe të jetë më bashkëpunues në fushën e lojës me shokët e skuadrës.

LEAVE A REPLY

Please enter your comment!
Please enter your name here