Nuk e dimë ç’ka ndodhur, por Beart Rexhepi dhe Tea Trifoni i kanë dhënë papritur fund lidhjes së tyre.
Ata kanë qenë gjatë kësaj kohe një ndër çiftet më të komentuar në media e rrjete sociale dhe s’kanë ngurruar të ndajnë me publikun foto e video nga momentet e tyre. Ish-konkurrentja ka treguar më herët se në njëfarë mënyre po jetonin bashkë, pasi s’ndaheshin asnjë sekond nga njëri-tjetri.
Por, së fundmi Tea dhe Bearti hoqën çdo foto me njëri-tjetrin nga rrjetet sociale (përveç fotos së biznesit), si dhe nuk ndiqeshin më së bashku.
Për “Express Rozë”, Bearti ka konfirmuar ndarjen publikisht, duke u përgjigjur:
“Po, është e vërtetë”, por s’ka treguar asnjë detaj më tepër.
Gjithçka nisi pas udhëtimit të tyre në Turqi. Tean dhe Beartin i shoqëruan edhe mamaja e motra e këtij të fundit, si dhe motra e Teas dhe shoku i saj i ngushtë. Duket se ata ishin nisur me qëllimin për të festuar ditëlindjen e Teas, mirëpo s’e dimë ç’ka ndodhur papritur dhe jo vetëm që ditëlindja nuk është festuar, por dyshja nisi të hedhi thumba e mesazhe me nënkuptim në rrjet.
Fillimisht, Tea tregoi në InstaStory që nuk ishte e lumtur dhe nuk e kishte festuar ditëlindjen, pasi mendonte se ditëlindjet e saj ishin të mallkuara.
Ndërkohë në asnjërin prej postimeve të saj s’u pa Bearti, që supozohej të ishte gjithë kohës me të.
Më tej, Tea publikoi një tjetër postim i cili shkruante “Bëje veten të lumtur.”
Fill pas këtij thumbi u “kundërpëgjigj” Bearti, i cili publikoi në InstaStory këtë:
“Si një Akrep, njerëzit s’e kuptojnë sa i sjellshëm je. Bëhesh i pamëshirshëm vetëm kur njerëzit të marrin për të mirëqenë.”-ishin fjalët e tij.
