Një burrë i panjohur hyri në apartamentin e një vajze në Maryland, Shtetet e Bashkuara të Amerikës. Gruaja e re po regjistronte një video me celularin e saj, ndërsa po përsëriste një koreografi kërcimi, kur vuri re se dikush po futej nga ballkoni.
“Burri buzëqeshi dhe mërmëriti”, tha ajo. Ai u largua vetëm kur gruaja arriti në derën e përparme dhe filloi të kërkonte ndihmë.
Emri i burrit është Angel Moises Rodriguez-Gomez, ai është 36 vjeç dhe jeton në të njëjtin kompleks me vajzën, por të dy nuk e njohin njëri-tjetrin dhe kurrë nuk kishin folur me njëri-tjetrin.
Pas dy ditësh hetimi, policia e identifikoi dhe arrestoi atë, por ai tashmë është liruar me kusht. Ai akuzohet për vjedhje, sulm dhe ndjekje.
