Autori i plagosjes së 43-vjeçarit, Hilë Gjini, me vendimin e Gjykatës së Lezhës është lënë në burg.
69-vjeçari, Gjergj Gjini, në seancën e zhvilluar me dyer të mbyllura mësohet të ketë thënë se ka patur konflikte të vazhdueshme me Hilë Gjinin, por i kishte zënë pritë për ta trembur, pa patur qëllim që të qëllonte me armë ndaj tij.
Ngjarja e rëndë ka ndodhur mëngjesin e së martës (1 dhjetor) në Balldre të Lezhës.
