Në komunikimin e përditshëm me mediat, kreu i PD, Lulzim Basha iu përgjigj edhe interesit të gazetarëve për zhvillimet e fundit politike.
Basha u pyet për deklaratën e ish-kryeministrit Berisha, i cili tha se gaboi në 2017 që la jashtë liste Jozefina Topallin, ndërsa komentoi edhe formimin e një lëvizje të re politike nga kjo e fundit.
Sipas Bashës bëhet fjalë për parti të krijuara nga Edi Rama. “Nuk ka asnjë parti të ndarë nga PD. Ka vetëm parti të krijuara nga Edi Rama, por prapë është i pashpresë”, tha Basha.
