Barcelona-Bayern Munich është finalja e parakohshme që rezervon Champions League. Blaugranët mposhtën Napolin në “Camp Nou” me rezultatin 3-1.
Gjithçka u vendos në 45 minutat e para. Për Barçën shënuan Lenglet, Messi dhe Luis Suarez. Lorenco Insigne ngushtoi shifrat në fundin e pjesës së parë. Barcelona siguron një biletë për në çerekfinale ku gjen Bayern Munich.
Gjermanët mposhtën Chelsea-n edhe në ndeshjen e kthimit, këtë herë me rezultatin 4-1. Lewnadowski, Perisic, Tolisso dhe sërish Lewandowski realizuan për Bayern. Golin e nderit për Chelsea-n e realizoi Abraham.