Epidemiologu Taulant Muka ka publikuar në rrjetet sociale rezultatet e një studimi, i cili tregon sesa të predispozuar janë fëmijët për t’u infektuar nga koronavirusi.
Ai shprehet se mbyllja e shkollave nuk ka ndikuar në uljen e transmetimit të infeksionit dhe për pasojë në kontrollin e epidemisë.
“Lajm shume pozitiv: Studimi i fundit i publikuar ne Lancet tregon se mbyllja e shkollave nuk ka ndikuar ne uljen e transmetimit te infeksionit dhe per pasoje ne kontrollin e epidemise! Nje tjeter studim qe nuk justifikon izolimin ekstrem te femijeve ne shtepi ne vendin tone, nje izolim qe mund te sjelle ulje te imunitetit dhe pasoja afatgjate te shëndetit”, shkruan Taulant Muka.
