Arkitekti i njohur Maks Velo foli për dëmet katastrofike që shkaktoi tërmeti i 26 Nëntorit në Durrës dhe zonat përreth.
Velo tha se shumë ndërtime në Shqipëri janë bërë në shkelje të kodit të ndërtimit.
“Unë mendoj se në këto ndërtesa janë bërë shkelje në kodin e ndërtimit. Kjo ndodh për faj të kokës dhe jo për faj të tokës. Shtresat janë një nga arsyet kryesore që e dobësojnë një ndërtesë, nëse një ndërtesë është projektuar për 5 kate, në Shqipëri bëhet 8 kate dhe kjo ndikon jo pak. Po ashtu janë dhe shumë faktorë në ne mund ti analizojmë, si marka e betonit, kolonat mbështetëse, fakti që shumë ndërtesa që ishin ngjitur me ndërtesat nuk kanë pësuar pasoja e konfirmojnë këtë gjë”, tha ai i ftuar në Open.
