Pas fjalorit jo të përshtatshëm në rrjetet sociale, është shkarkuar nga detyra Aurel Voda, drejtori i Fondit të Detyrueshëm Shëndetësor dhe njëkohësisht bashkëshorti i zv.ministres së Brendshme, Rovena Voda.
Vendimin e ka bërë të ditur ministrja e Shëndetësisë, Ogerta Manastirliu, në një postim në Tëitter.
“I patolerueshëm reagimi i dr.Aurel Vodës në profilin e tij në Facebook ndaj disa sulmeve mediatike. Cilatdo qofshin arsyet që e kanë motivuar atë reagim, ai e ka humbur të drejtën të paguhet me taksat e qytetarëve si drejtues në strukturat e sistemit të Ministrisë së Shëndetësisë.
Largimi i tij është një mesazh i qartë për të gjithë. Kush s’i duron dot me qytetari sulmet e çfarëdo lloji, nuk mund të jetë pjesë e sistemit tonë”, shkruan ajo.
Aurel Voda mbante postin e drejtorit të shërbimit parësor dhe spitalor, Voda së fundmi në publikimet në rrjetet sociale, ka lënë shumë për të dëshiruar me fjalorin e tij banal.
