Ditën e djeshme presidenti i Republikës, Ilir Meta, deklaroi se do të djegë mandatin e tij për t’i dhënë zgjidhje situatës politike në vend.
Këtë deklaratë të Metës e ka komentuar ish- ministri i Jashtëm, Besnik Mustafaj, i cili u shpreh se presidenti i ka dërguar një mesazh të koduar palëve politike me deklaratën e tij.
Më tej Mustafaj, u shpreh se e hamendëson deklaratën e Metës edhe si një shantazh që i bëhet mazhorancës.
“Ilir Meta i ka dërguar një mesazh të koduar palëve politike, unë po pres nëse Meta ka një plan konkret në kokën e tij për zgjidhjen e krizës apo është një shantazh që i bën mazhorancës.
Nëse është shantazh atëherë nuk është në kompetencat e presidentit ta bëjë këtë gjë.
Nuk është në shërbim të zgjidhjes së krizës dorëheqja e presidentit”, deklaroi Mustafaj në rubrikën “Opinion” në News 24.
