Një lajm i pazakontë ka ardhur për një ndër politikanët më të njohur.
Prindërit e ish-kryeministrit Italian Matteo Renzi janë vënë në arrest shtëpie. Vendimi është dhënë nga gjykata italiane pas hetimeve që i gjeti ata fajtorë për mashtrim dhe falimentim të rremë.
Mediat italiane shkruajnë se Tiziano Renzi dhe Laura Bovoli janë tashme nën arrest shtëpiak.
Guardia di Finanza zbatoi urdhrin e lëshuar nga autoritetet italiane duke lënë në arrest shtëpie prindërit e ish-kryeministrit edhe për mashtrime bankare dhe fatura false.
Avokati i tyre, Federico Bagattini, ka thënë se vendimi i dhënë nga gjykata është i pazakontë.
I pari që hetoi për këtë çështje ishte prokurori publik i Cuneo Pier Attilio Stea. Dokumentet pastaj u transferuan në Zyrën e Prokurorisë së Firences pikërisht për marrëdhëniet me “Eventi 6” dhe tani është vendosur të vazhdohet me tej. Në të vërtetë, në aktakuzë është specifikuar se “të dyshuarit shkaktuan falimentimin e kompanisë si rezultat i operacioneve me qëllim të keq që përbën dështimin sistematik të pagesës së kontributeve dhe taksave të sigurimeve shoqërore”.
![](https://sot.com.al/sites/default/files/images/fullgallery/prinderit.jpg)