Mbrëmjen e djeshme një pallat u përfshi nga flakët në rrugën “Teodor Keko” , në zonën e “Unazës së Re”
Zjarri i djeshëm nuk ishte një rast i izoluar, por ka ndodhur të paktën edhe tre herë të tjera. Gjashtë persona janë dërguar në spital për të marrë ndihmë mjekësore, pasi prezenca e dendur e tymit ka vënë në vështirësi shëndetin e banorëve.
“Ngjarja është e paralajmëruar, pasi kanë ndodhur defekte elektrike të paktën edhe tre herë të tjera. Ndërhyrja në kohë bëri që të shpëtonte jeta e një fëmijë. Vajza e vogël u nxor nga pallati, por nuk u asfiksua dhe është dërguar në spital. Në spital kanë shkuar 6 persona, por nuk kanë shenja asfiksie”, u raportua në media nga vendi i ngjarjes.
