Koncerti i këngëtares Jenny nga grupi legjendar “Ace of Base” është pjesë Javës Kulturore Suedeze në vendin tonë që vjen me aktivitete të ndryshme. Java Kulturore Suedeze ka pjesë të saj muzikën, ekspozitat dhe aktivitete e tjera, ndërsa nis më 13 qershor. Prej datës 13 qershor e deri më 19 qershor, Shqipëria do të mikprerë kulturën e artin suedez.
Performanca e këngëtares Jenny nga grupi legjendar Ace of Base do të jetë kulminacioni i Javës Kulturore Suedeze, me një super performancë live që do të elektrizojë sheshin Skënderbej mbrëmjen e datës 17 qershor. “Fleeting” do të jetë një ekspozitë përfshirëse nga artistet suedeze Nina Wedberg Thulin & Maria Backman, e cila do të çelet më datë 13 qershor.
Një natë më pas, më 14 qershor do të vijë koncerti i muzikës klasike, me virtuozë të jashtëzakonshëm, i cili do të zhvillohet në Teatrin e Metropolit. Ruajtja e së kaluarës dhe formësimi i së ardhmes, do të jetë një tjetër aktivitet i cili do të zhvillohet tek Kube, në Gjirokastër. Ky aktivitet (16 qershor) do të jetë një takim mes kulturës shqiptare dhe asaj suedeze në qytetin historik të Gjirokastrës, për të reflektuar mbi trashëgiminë dhe bashkëpunimin. Pas koncertit të këngëtares Jenny në datën 18 qershor do të ketë aktivitete kushtuar përdorimit të biçikletës nën moton “Së bashku për një Shqipëri më të gjelbër & më të sigurt”.
Njëzet shtete janë pjesëmarrëse në Javët Kulturore Ndërkombëtare, që këtë vit shënojnë edicionin e katërt në vendin tonë. Javët Kulturore Ndërkombëtare vijnë me një sërë aktivitetesh të ndryshme, ekspozita, filma, performanca artistike dhe aktivitete të tjera janë pjesë e tyre.