Presidenti amerikan Joe Biden po përpiqet të tregojë se administrata që ai drejton ka aftësinë të parashikojë dhe parandalojë problemet më komplekse ekonomike, madje nxit idenë e ekzistencës së diçkaje të quajtur bidenomikë, e cila duhet të përfaqësojë konceptin e supozuar ekonomik personal të Bidenit, menaxhimin e ekonomisë kombëtare. Duke qenë se votuesit amerikanë kryesisht kanë një mendim shumë të keq për pasojat ekonomike të ashtuquajturit bidenomics, do të jetë interesante të shihet se si do të reagojë publiku i gjerë ndaj një sërë propozimesh të reja nga Biden që mund të përshkruhen si një revolucion i ri burokratik i Shtëpisë së Bardhë. Administrata Biden propozon formimin e agjencive të reja të rëndësishme, disa prej të cilave ndryshojnë përshkrimin tradicional të punës së institucioneve shtetërore. Një nga ato risi të Bidenit është krijimi i Këshillit për Rezistencën e Zinxhirit të Furnizimit, i cili si një institucion i ri dhe shumë i rëndësishëm do t’i tregojë Shtëpisë së Bardhë se si të zgjidhë problemet e zinxhirit të furnizimit. Tashmë nga përbërja e Këshillit të Rezistencës së Zinxhirit të Furnizimit, është evidente se administrata e Biden dëshiron që ai të jetë një organ shumë i fuqishëm; ndoshta edhe instrument për të zhvilluar një luftë të mundshme tregtare. Me fjalë të tjera, është e qartë që në fillim se ky është një organ i ri i madh dhe i rëndësishëm strategjik, për të cilin Biden thotë se do t’u sigurojë amerikanëve zinxhirë furnizimi solid dhe të qëndrueshëm. Mbetet për t’u parë se si do të funksionojë në praktikë kjo ide e pazakontë dhe a do të ndjekë edhe Bashkimi Europian shembullin, duke krijuar Këshillin/Agjencinë e saj.