Çmimi Nobel në Letërsi, i konsideruar gjerësisht si më prestigjiozi në letërsi, iu dha këtë të enjte autorit norvegjez Jon Fosse “për dramat dhe prozën e tij novatore që i japin zë të pathënës”.
Çmimi jepet për të gjithë veprën e shkrimtarit.
“Vepra e tij e pamasë, që përfshin një sërë zhanresh, përbëhet nga një mori dramash, romanesh, përmbledhjesh poezish, ese, libra për fëmijë dhe përkthime. Ndërsa ai është sot një nga dramaturgët më të interpretuar në botë, ai gjithashtu është bërë gjithnjë e më i njohur për prozën e tij”,-tha komuniteti për Fosse.
